Ижтимоий тармоқларда бир нечта шахслар бошқа фуқароларга куч ишлатаётганлиги акс этган видео тарқалиб, турли муҳокамаларга сабаб бўлмоқда.

Ўрганиш жараёнида маълум бўлишича, видеода акс этган ҳолат Юнусобод туманидаги "Гиёҳвандлик ва спиртли ичимликка ружу қўйган шахсларни даволаш"га ихтисослашган хусусий клиникада 2025 йилнинг январь ойида рўй берганлиги аниқланган. Видеода, клиникага даволаниш учун келтирилган беморларнинг агрессив ҳаракатлари ва беморларни тинчлаштиришга уринган ходимларнинг ҳаракатлари акс этган ҳолат тасвирланган. Муҳокамаларга сабаб бўлаётган “кўча безорилари” каби важлар хақиқатдан йироқ. Ушбу ҳолат юзасидан фуқаролар ва уларнинг яқинлари томонидан илгари ИИОга ариза билан мурожаат қилинмаган.

Ҳозирда Тошкент шаҳар ИИББ раҳбарияти бошчилигидаги ишчи гуруҳ томонидан терговга қадар текширув ўтказилмоқда. Якуни бўйича қонуний қарор қабул қилиниши таъминланади. Жараён Ички ишлар вазирлиги томонидан назоратга олинган.