Жорий йилнинг 17 декабрь куни Чилонзор тумани ИИО ФМБга 29 ёшли Дилноза Ю. уйидан пул ва заргарлик буюмлари йўқолганлиги ҳақида ариза билан мурожаат қилган. Кўрилган чора-тадбирлар натижасида, ушбу жиноятни содир этишда гумон қилинган, шу уйда уй ишчиси бўлиб ишлайдиган 32 ёшли Шохиста К. аниқланиб, қўлга олинди. У уй эгаларининг йўқлигидан фойдаланиб, шкаф ичидаги 6.000.000 сўм пулларни ҳамда жами 60.000.000 сўмлик тилла тақинчоқларни ўғирлаб кетганлиги аниқланган. Мазкур ҳолат юзасидан Ўзбекистон Республикаси Жиноят кодексининг 169-моддаси (Ўғрилик) билан жиноят иши қўзғатилган. Тергов давом этмоқда.
Ҳурматли фуқаролар! Огоҳ ва эътиборли бўлинг!