Миробод тумани ИИО ФМБга, Чилонзор туманида яшовчи 1988 йилда туғилган Р.Б. мурожаат қилиб, ўз мурожаатида жорий йилнинг январь ойида Миробод туманида яшовчи 1992 йилда туғилган Ҳ.Т. ошхона мебелини ясаб беришни ваъда қилиб, олдиндан зарур жиҳозлар олиши кераклигига ишонтириб, унинг 5.585.000 сўм пулини олган. Бироқ ваъдасини бажармай, Р.Б.дан олган пулларни ўз эҳтиёжига ишлатиб юборган.

Мазкур ҳолат юзасидан туман ИИО ФМБ томонидан Ўзбекистон Республикаси Жиноят кодексининг 168-моддаси 3-қисми (“Фирибгарлик”) билан жиноят иши қўзғатилган. Тергов давом этмоқда.

Ҳурматли фуқаролар! Мебель ёки бошқа уй жиҳозлари тайёрловчиларни танлашда адашманг. Хизмат кўрсатиш бўйича шартнома тузинг ёки олдиндан зарур йўл-йўриқларни ўргансангиз чув тушиб қолишнинг олдини олган бўласиз.