Узоқ йиллик тажрибалар шуни кўрсатадики, ҳар қандай жиноятни ошкор қилувчи белгилари мавжуд. “Закладчик”лар томонидан ўз жиноий фаолиятининг усул ва тактикаларини ўзгартиришларига қарамасдан, уларни ошкор қилувчи қуйидаги белгилар мавжуд:

— ёнида бесабаб катта миқдорда пуллар пайдо бўлиб қолиши;
— бошқа шахслар номига очилган банк карталарининг пайдо бўлиши;
— юриш-туришда бирдан ўзгаришлар (қимматбаҳо буюмлар, янги русумли телефон, қимматбаҳо кийимлар);
— телефонда расмларга координаталарни тушириш имконини берувчи махсус иловалар (“ViPole”, “Jabber”, “Wеchаt”, “Сигнал”) ўрнатилганлиги;
— шахсий буюмлари ичида кўп ҳолларда изолента, скотч ва кичик пакетлар бўлиши;
— телефонида турли чекка жойларнинг локациялари бўлиши;
— ҳар қандай аниқлаштирувчи саволларга қўрқувни пайдо бўлиши (кеча қаерда эдинг, бунча пулни қаердан олдинг каби);
— ижарага автомашина олиш ҳолатларининг мунтазам кузатилиши.

Юқорида кўрсатиб ўтилганларнинг барчаси дастлабки белгилар бўлиб, уларни қайта текшириш лозим. Шу билан бирга, 70-80 фоиз ҳолатларда психофаол моддаларни ташувчиларнинг ўзи ҳам уни суиистеъмол қилади. Шу боис, суиистеъмол қилувчи шахслар билан ташқи белгилари деярли ўхшаш бўлади.

© O‘zbekiston Respublikasi Prezidenti Administratsiyasi huzuridagi Narkotiklarni nazorat qilish milliy markazi